நிலத்தை பத்திரம் பதிய பிப்., 21ல் செந்தில்குமாரிடம், 70,000 ரூபாய் லஞ்சம் தருமாறு, திருமங்கலம் சார் - பதிவாளர் பாண்டியராஜன் கேட்டார்.

செந்தில்குமார் லஞ்ச ஒழிப்பு போலீசாரிடம் புகார் அளித்தார். நேற்று இந்த பணத்தை, திருமங்கலம் பத்திரப்பதிவு அலுவலகத்தில் பாண்டியராஜனிடம் செந்தில்குமார் கொடுக்க முயன்றார்.

பணத்தை புரோக்கர் பால மணிகண்டன் என்பவரிடம் கொடுக்கும்படி பாண்டியராஜன் தெரிவித்தார். பால மணிகண்டன் தன் வங்கிக் கணக்கில் பணத்தை செலுத்துமாறு கூறினார்.

செந்தில்குமார் வங்கிக் கணக்கில் பணத்தை செலுத்தினார். பாலமணிகண்டனிடம் லஞ்ச ஒழிப்பு போலீசார் விசாரித்தனர். அவரது வாக்குமூலத்தின்படி பாண்டியராஜனிடம் விசாரித்தனர். இருவரையும் கைது செய்தனர்.