முதல்வர் தலைமையில், கடந்த பிப்., 27ல் நடந்த அறநிலையத் துறை ஆலோசனைக் கூட்டத்தில், கோவில் திருப்பணிக்கு வழங்கப்படும் இரண்டு லட்சம் ரூபாயை, 2.50 லட்சம் ரூபாயாக உயர்த்த, தீர்மானம் நிறைவேற்றப்பட்டுள்ளது.

தேசிய விருது

தேசிய கூட்டுறவு சர்க்கரை ஆலைகளின் கூட்டமைப்பு சார்பில், 2022 - 23ம் ஆண்டு பருவத்தில், ஒட்டுமொத்த செயல் திறனுக்கான முதல் பரிசுக்கான விருது, தர்மபுரி மாவட்டத்தில் உள்ள சுப்பிரமணிய சிவா கூட்டுறவு சர்க்கரை ஆலைக்கு கிடைத்துள்ளது.

சிறந்த நிதி மேலாண்மைக்குரிய முதல் பரிசுக்கான விருது, கள்ளக்குறிச்சி - 2 கூட்டுறவு சர்க்கரை ஆலை பெற்றுள்ளது.

இவ்விருதுகளை, அமைச்சர் பன்னீர்செல்வம் நேற்று தலைமைச் செயலகத்தில், முதல்வர் ஸ்டாலினிடம் வழங்கினார்.