லோக்சபா தேர்தலில் தீவிர பிரசாரம் செய்த முதல்வர் ஸ்டாலின், நாளை முதல் மே 4 வரை கொடைக்கானல் பாம்பார்புரத்தில் உள்ள தனியார் விடுதியில் குடும்பத்துடன் தங்கி ஓய்வெடுக்கிறார். நாளை காலை சென்னையிலிருந்து விமானம் மூலம் மதுரை வரும் அவர் பின்னர் சாலைமார்க்கமாக மதியம் கொடைக்கானல் வந்தடைகிறார்.

ஆலோசனை

இதையடுத்து டி.ஐ.ஜி., தலைமையில் திண்டுக்கல் எஸ்.பி., பிரதீப் , முதல்வர் பாதுகாப்பு அதிகாரிகள் பங்கேற்ற ஆலோசனைக் கூட்டம் பாம்பார்புரம் தனியார் விடுதியில் நேற்று நடந்தது. முதல்வர் தங்குமிடம், பாதுகாப்பு, விதிமுறைகள் குறித்து அனைத்துத்துறை அதிகாரிகளுக்கு அறிவுறுத்தப்பட்டது. முதல்வர் செல்லும் ரோடுகளில் மூன்றடுக்கு பாதுகாப்பில் 1500 க்கும் மேற்பட்ட போலீசார் பணியில் ஈடுபடுகின்றனர்.