இந்நிலையில், மசினகுடி கோட்டம், சிங்கார ஆச்சக்கரை அருகே மூங்கில் காட்டில் நேற்று, மாலை, 6:00 மணிக்கு திடீர் வனத்தீ ஏற்பட்டது. காற்றின் வேகம் காரணமாக தீ விரைவாக பரவியது.தீயணைப்புத் துறைக்கு தகவல் தெரிவிக்கப்பட்டது.

கூடலுார் தீயணைப்பு நிலைய அலுவலர் மார்ட்டின் மற்றும் தீயணைப்பு வீரர்கள், வனத்துறையினரும் இணைந்து தீயை கட்டுப்படுத்தும் பணிகளில் ஈடுபட்டனர்.

இரவு, 8:15 மணி வரை தீப்பரவலை கட்டுப்படுத்த முடியவில்லை. பல ஏக்கர் பரப்பில் மூங்கில் காடு சேதமானது.