திருவாரூர் அருகே விளமலைச் சேர்ந்த ராஜ்குமார் மகன் நவீன்ராஜ், 17. இவரும், அதே ஊரை சேர்ந்த லோகநாதன் மகன் பிரகாஷ்ராஜ், 17, என்பவரும் நண்பர்கள். நாகப்பட்டினத்தில் உள்ள தனியார் கல்லுாரியில் இருவரும் பட்டப்படிப்பு படிப்பதற்காக சேர்ந்துள்ளனர்.

நேற்று முன்தினம் இரவு டூ - வீலரில், பிரகாஷ்ராஜை நவீன்ராஜ் அழைத்துக்கொண்டு, விளமலில் இருந்து திருவாரூர் நோக்கி வந்து கொண்டிருந்தார்.

நாகை பைபாஸ் சாலையில் வந்தபோது, எதிரே வந்த டிப்பர் லாரி மோதியதில், டூ - வீலரில் பின்னால் உட்கார்ந்து வந்த பிரகாஷ்ராஜ், அதே இடத்தில் இறந்தார்.

படுகாயமடைந்த நவீன்ராஜ், திருவாரூர் அரசு மருத்துவமனையில் சிகிச்சை பலனின்றி இறந்தார். திருவாரூர் டவுன் போலீசார் வழக்குபதிந்து, டிப்பர் லாரி டிரைவர் கரூர் ராஜேந்திரன், 48, என்பவரை கைது செய்தனர்.