கடலூர் மாவட்டம் எம்.புதூர் மற்றும் டி.புதூர் பகுதியை சேர்ந்த அப்புராஜ் மற்றும் சரண் ராஜ் அடுத்தடுத்து மாயமானது குறித்து போலீசில் புகார் அளிக்கப்பட்டது. இது குறித்து வழக்குப்பதிவு செய்து போலீசார் விசாரணை நடத்தினர்.

பின்னர், நெய்வேலி அடுத்த மண்மேடு பகுதியில் இளைஞர்கள் 2 பேர் கொன்று புதைக்கப்பட்டது கண்டுபிடிக்கப்பட்டது. புதைக்கப்பட்ட இளைஞர்களின் உடல்களை தோண்டி எடுத்து போலீசார் விசாரித்து வருகின்றனர்.

முதல்கட்டமாக, 5 இளைஞர்களிடம் போலீசார் விசாரணை நடத்தி வருகின்றனர். இந்த கொலையில் இவர்களுக்கு தொடர்பு உள்ளதா? வேறு யாருக்கும் தொடர்பு இருக்கிறதா? என்று பல்வேறு கோணத்தில் விசாரணை நடக்கிறது.