சென்னை, கோவை, மதுரை, திருச்சி, நெல்லை, சேலம், திண்டுக்கல் உள்ளிட்ட மாவட்டங்களில் பணியிற்றி வரும் 2,153 போலீசார் பணியிட மாற்றம் செய்யப்பட்டுள்ளனர். இது தொடர்பாக தமிழக டி.ஜி.பி., சங்கர் ஜிவால் வெளியிட்டுள்ள அறிக்கையில், பணியிட மாறுதல் கேட்ட போலீசாருக்கு பணியிட மாறுதல் அளிக்கப்பட்டுள்ளதாகவும், ஒரு இடத்தில் 3 ஆணடுகளுக்கு குறைவாக பணியாற்றியவர்களுக்கு பணி மாறுதல் வழங்கப்பட மாட்டாது என்று தெரிவிக்கப்பட்டுள்ளது.

மேலும், கடந்த ஓராண்டில் ஏதேனும் சிறப்பு பிரிவுக்கு மாற்றப்பட்டிருக்கும் பட்சத்தில் அவர்கள், மேலதிகாரிகளுக்கு தகவல் தெரிவிக்கலாம் என்று குறிப்பிடப்பட்டுள்ளது.