திருப்பூர் மாவட்டம், வஞ்சிபாளையத்தில் திருமுருகன் பூண்டி போலீசார், வாகன தணிக்கையில் ஈடுபட்டனர். அப்போது மது போதையில் காரை ஓட்டி வந்த வாகன ஓட்டி ஒருவருக்கு எவ்வித அபராத தொகையும் விதிக்காமல், 5 ஆயிரம் ரூபாய் லஞ்சம் வாங்கிக் கொண்டு அனுப்பியதாக புகார் எழுந்தது.

இது தொடர்பாக, எஸ்.எஸ்.ஐ., மோகன், முதல்நிலை போலீஸ்காரர் கோபிநாத் மற்றும் ஆயுதப்படை போலீஸ்காரர் பிரேம்குமார் ஆகியோரை திருப்பூர் போலீஸ் கமிஷனர் ராஜேந்திரன் 'சஸ்பெண்ட்' செய்து உத்தரவிட்டார்.