சென்னை ராயப்பேட்டையில் உள்ள அ.தி.மு.க.,வின் தலைமை அலுவலகத்தில் அக்கட்சியின் தேர்தல் அறிக்கையை பொதுச்செயலாளர் இ.பி.எஸ்., வெளியிட்டார். அதில் 133 வாக்குறுதிகள் உள்ளன.

அதன் முக்கிய அம்சங்கள்:

*சென்னையில் உச்சநீதிமன்ற கிளை அமைக்க நடவடிக்கை

*வழக்காடு மொழி தமிழ் இடம்பெற வேண்டும்

*மஹாத்மா காந்தி வேலைவாய்ப்பு திட்ட உறுதி திட்டத்தை நாட்களை 150 நாட்களாக உயர்த்த வேண்டும். சம்பளத்தை ரூ.450 ஆக உயர்த்த வேண்டும்.

*மேகதாது அணை, முல்லை பெரியாறு அணை பிரச்னைக்கு தீர்வு காண வேண்டும்

*பாலாற்றின் குறுக்கே தடுப்பணை கட்டுவதை மத்திய அரசு மூலம் தடுத்து நிறுத்தம்

*கோவையில் எய்ம்ஸ் மருத்துவமனை அமைக்கவும், சர்வதேச கிரிக்கெட் மைதானம் அமைக்கவும் வலியுறுத்துவோம்

*மதுரை எய்ம்ஸ் மருத்துவமனையை பயன்பட்டிற்கு கொண்டு வர துரித நடவடிக்கை

*காவிரி குண்டாறு வைகை இணைப்பு திட்டத்தை நிறைவேற்ற வலியுறுத்தல்

*கச்சத்தீவை மீட்க மத்திய அரசு மூலம் நடவடிக்கை

*பிரதமர் வீடு கட்டும் திட்டத்தில் மானியம் ரூ.5 லட்சமாக உயர்த்த வலியுறுத்தல்

*மகளிருக்கு மாதம் ரூ.3,000 வழங்க மத்திய அரசிடம் வலியுறுத்துவோம்

*சென்னை மெட்ரோ ரயிலை செங்கல்பட்டு வரை நீட்டிக்க வலியுறுத்தப்படும்

*கிளாம்பாக்கத்தில் இருந்து ஒரகடம் வரை மெட்ரோ ரயில் இயக்க வலியுறுத்துவோம்.

*மத்திய அரசு தமிழகத்திற்கான ஒதுக்கீட்டை அதிகரிக்க வேண்டும்.

*ராமநாதபுரத்தில் விமான நிலையம்

*முல்லைப் பெரியாறு பிரச்னைக்கு தீர்வு காணப்படும்.

*லோக்சபா குளிர்கால கூட்டத்தொடரை சென்னையில் நடத்த வேண்டும்

*கவர்னர் நியமனத்தின் போது மாநில அரசின் கருத்துகளை கேட்க வேண்டும்.

*குற்ற வழக்கு சட்டங்களின் பெயர் மாற்றத்தை கைவிட வேண்டும்.

*பெட்ரோல், டீசல் விலை குறைக்கப்பட வேண்டும்.

*மத்திய அரசு அறிவித்த ஒசூர் விமான நிலையத்தை விரைந்து முடித்திட வலியுறுத்துவோம்

*நாகை, திருவாரூர் உள்ளடக்கிய ஒரு இடத்தில் விமான நிலையம் அமைக்க வலியுறுத்துவோம்

*நீட் தேர்வுக்கு மாற்றுத்தேர்வு முறை கொண்டு வர வலியுறுத்தப்படும்

*மதுரையில் ஐஐடி, ஐஐம் அமைக்க வலியுறுத்தல்

*குடும்ப அட்டைக்கு ஆண்டுக்கு 6 இலவச கேஸ் சிலிண்டர்

*அப்பளம் , குண்டு வத்தல் பரமத்தி வெற்றிலைக்கு புவிசார் குறியீடு கிடைக்க வலியுறுத்துவோம் உள்ளிட்ட 133 வாக்குறுதிகள் இடம்பெற்றுள்ளன.