திருநெல்வேலியை சேர்ந்தவர் அல்போன்ஸ், 35. கர்நாடக மாநிலம் பெங்களூரு, கே.பி.அக்ரஹாரம் பகுதியில் மிக்சர் கம்பெனி வைத்துள்ளார்.

இவரிடம், அதே பகுதியை சேர்ந்த பவன்குமார், 19, பணியாற்றி வந்தார். அப்போது அவருக்கும், அல்போன்ஸ் மனைவி சத்யாவுக்கும் கள்ளக்காதல் ஏற்பட்டது.

அல்போன்ஸ் கண்டித்ததால், 4 மாதத்திற்கு முன், வேலையில் இருந்து நின்று விட்டு, திருப்பத்துார் மாவட்டம், குரிசிலாப்பட்டு அடுத்த தோட்டிகுட்டை கிராமத்தில், பாட்டி வீட்டில் பவன்குமார் தங்கியிருந்தார். இருப்பினும், சத்யாவும், பவன்குமாரும் மொபைல்போனில் அடிக்கடி பேசி, தனிமையில் சந்தித்து வந்துள்ளனர்.

ஆத்திரமடைந்த அல்போன்ஸ் தன் நண்பர்கள் 4 பேருடன் சென்று நேற்று முன்தினம் பவுன்குமாரை, கத்தியால் குத்தி கொலை செய்தார்.

குரிசிலாப்பட்டு போலீசார், பெங்களூரு தப்பிச்சென்ற அல்போன்ஸ் மற்றும் நண்பர்கள், பாக்கியராஜ், 39, கதிர்வேல், 35, பால பொன்னையன், 37, ஆகிய 4 பேரை, நேற்று கைது செய்து விசாரித்து வருகின்றனர்.