அழகம்பட்டியில் இருந்து 2 கி.மீ., துாரம் உள்ள ஜம்புதுறைகோட்டை வரை, கூட்டுக் குடிநீர் திட்டத்தில் குடிநீர் வழங்க வேண்டும்; கிரிக்கெட் விளையாட மைதானம் அமைக்க வேண்டும்; ஜல்லிபட்டி செல்லும் வழியில் உள்ள கல்குவாரியை மூட வேண்டும் என பல கோரிக்கைகளை முன்வைத்து வருகின்றனர்.

இவற்றை நிறைவேற்றுவதாக கூறி, கடந்த சட்டசபை தேர்தலில், அ.தி.மு.க., சார்பில் தேன்மொழி போட்டியிட்டு வென்றார். ஆனால், கடந்த ஐந்து ஆண்டுகளில் அவர் தங்கள் கிராமத்திற்கு எதுவும் செய்யவில்லை என கிராமத்தினர் குற்றஞ்சாட்டுகின்றனர்.

அதனால் இம்முறை, ஜென்சி கிட்ஸ் ஓட்டுகள் 511 உடன், புதிய வாக்காளர்கள் 200 பேர் என, மொத்தம் 711 பேர் இணைந்து, த.வெ.க.,விற்கு ஓட்டு போட உள்ளதாக அறிவித்துள்ளனர்.