நேற்று முன்தினம் இரவு, நாடுகாணி பகுதியில் சந்தேகத்துக்கு இடமாக வந்த இருவரை, சோதனை சாவடியில் போலீசார் பிடித்து விசாரித்தனர். இதில், அவர்களிடம் துப்பாக்கி தோட்டா இருந்ததும், தேவாலா ஹட்டி பகுதி மணி, 53, சசிகுமார், 39, என்பதும் தெரியவந்தது.

விசாரணையில், 'தமிழக எல்லையை ஒட்டிய, கேரள மாநிலம் மருதா என்ற இடத்தில் இருந்து, 1.25 லட்சம் ரூபாய்க்கு புதிய ரக நாட்டு துப்பாக்கியை வாங்கியதும், அதை வைத்து, வனவிலங்குகளை வேட்டையாடியதும் தெரிந்தது.

மணி வீட்டில் மறைத்து வைத்திருந்த, புதிய ரக நாட்டு துப்பாக்கி, ஆறு தோட்டாக்கள் பறிமுதல் செய்யப்பட்டன.