சென்னை ஈக்காட்டுதாங்கல் மெட்ரோ ரயில் நிலையம் அருகே சாலையோரம் மக்கள் வசித்து வருகின்றனர். இந்நிலையில் மர்ம நபர் ஒருவர் மக்கள் மீது ஆசிட் வீசி தாக்குதல் நடத்தியதாக கூறப்படுகிறது. இச்சம்பவத்தில் குழந்தை உட்பட 5 பேர் காயம் அடைந்ததாக கூறப்படுகிறது. சிலருக்கு கண் எரிச்சல் ஏற்பட்டதாகவும் கூறப்படுகிறது.ஆசிட் வீசிய மர்ம நபர் குறித்து போலீசார் விசாரணை நடத்தி தேடி வருகின்றனர்.