அவரது அறிக்கை:

திருச்சி மாவட்டம் மணப்பாறை அருகே, அரசு பள்ளி ஆசிரியர் ஒருவர், மதுபோதையில் வகுப்பறையில் மயங்கி கிடந்ததாக செய்தி வெளியாகி உள்ளது.

டாஸ்மாக்கை நம்பி மட்டுமே, மொத்த அரசும் இயங்கும், தி.மு.க., ஆட்சியில், வகுப்பறைகள் வரை சாராய வெள்ளம் பாயத்தானே செய்யும். கையில் மது புட்டியுடன் வகுப்பறைக்கு வரும் ஆசிரியர்களை கொண்ட சமூகத்தில், மாணவர் கைகளில், பயங்கர ஆயுதங்கள் புழங்குவதை எப்படி தடுக்க முடியும்.

இப்படி அதல பாதாளத்திற்கு சென்று கொண்டிருக்கும், பள்ளிக்கல்வித் துறையையும், மாணவர்களின் எதிர்காலத்தையும் குறித்து, எந்த கவலையும் இல்லாமல், 'பள்ளிக் கல்வித் துறை என் கோட்டை' என, சினிமா வசனம் பேசி விளம்பரம் தேடுவதில் மட்டும் கவனம் செலுத்தி கொண்டிருக்கிறார் அமைச்சர் மகேஷ். நாடக முதல்வருக்கு வாய்த்த மிகச் சரியான விளம்பர அமைச்சர்.

தமிழகத்தின் கல்வி தரத்தை ஒட்டுமொத்தமாக சீரழித்துவிட்டு, ஏழை மாணவர்களின் வளமான எதிர்காலத்தை இருட்டடிக்க முயலும், தி.மு.க., அரசின் அத்தனை திட்டங்களையும் முறியடிப்போம். இவ்வாறு அதில் கூறப்பட்டுள்ளது.