பெஞ்சல் புயல் காரணமாக, தென்பெண்ணையாற்றின் நீர் பிடிப்பு பகுதிகளான கிருஷ்ணகிரி, தர்மபுரி, திருவண்ணாமலை மாவட்டங்களில் விடாது பெய்த அடை மழை காரணமாக வெள்ளப்பெருக்கு ஏற்பட்டது. இதனால், சாத்தனூர் அணையில் இருந்து நேற்று முன்தினம் மாலை 6:00 மணிக்கு வினாடிக்கு 5,000 கன அடி வீதம் தண்ணீர் திறக்கப்பட்டது. படிப்படியாக நீர்வரத்து அதிகரித்தது.

நீர் திறப்பு நேற்று அதிகாலை 3:00 மணிக்கு வினாடிக்கு 1.68 லட்ச கன அடியாக உயர்த்தப்பட்டது.

திருவண்ணாமலை மற்றும் தென்பெண்ணையின் நீர் பிடிப்பு பகுதிகளில் பெய்த மழை நீர் மற்றும் துரிஞ்சலாற்று நீரும் சேர்ந்து திருக்கோவிலூர் அணைக்கட்டில் 2 லட்சம் கன அடிக்கும் அதிகமாக வெள்ளம் பாய்ந்தோடியது.

1972ம் ஆண்டு தென்பெண்ணையில் அதிகபட்சமாக இரண்டு லட்சம் கன அடி நீர் பெருக்கெடுத்தது.