தமிழகத்தில் இருந்து சட்டவிரோத ஆட்சேர்ப்பு நிறுவனங்கள் மற்றும் முகவர்கள் மூலமாக, தென் கிழக்கு ஆசிய நாடுகளான கம்போடியா, மியான்மர் நாடுகளுக்கு சுற்றுலா விசாவில் வெளி நாடுகளுக்கு ஆட்களை அனுப்பி, சட்ட விரோத கும்பல் ஆன்லைன் மோசடியில் ஈடுபட்டு வருவதாக, புகார் எழுந்துள்ளது.

இந்நிலையில், கோவை சி.பி.சி.ஐ.டி., சரகத்தில் பதிவு செய்யப்பட்ட, 3 சைபர் கிரைம் வழக்குகளில் சென்னையை சேர்ந்த பியோலியோ ராஜ், முகமது ேஷக் மீரான், சிவகங்கையை சேர்ந்த கவுதம், திருப்பூரை சேர்ந்த தாமோதரன் மற்றும் விருதுநகரை சேர்ந்த ராஜேஷ் என்ற ராஜதுரை ஆகிய 5 சட்ட விரோத ஆட்சேர்ப்பு முகவர்கள் கைது செய்யப்பட்டு, நீதிமன்ற காவலில் வைக்கப்பட்டுள்ளனர்.

இவர்கள் இதுவரை, 18க்கும் மேற்பட்ட நபர்களை, தமிழ்நாட்டில் இருந்து லாவோஸ், கம்போடியா போன்ற நாடுகளுக்கு, சைபர் குற்றம் புரிய சட்டவிரோதமாக அனுப்பியுள்ளது விசாரணையில் தெரியவந்துள்ளது.