மதுரை வண்டியூர் டோல்கேட் அருகே அம்மா திடலில் ஜூன் 22ல் முருக பக்தர்கள் மாநாடு நடைபெறஉள்ளது. முருகனின் அறுபடை வீடுகளை குறிக்கும் மாதிரி வடிவங்கள் மாநாட்டு வளாகத்தில் தற்காலிகமாக நிறுவப்பட்டு வருகிறது.

இதுகுறித்து ஹிந்து முன்னணி மாநில அமைப்பாளர் ராஜேஷ் கூறியதாவது:

முருக பக்தர்கள் மாநாட்டிற்கான பந்தல் அமைக்கும் பணி 40 சதவீதம் நிறைவடைந்துள்ளது.அறுபடை வீடுகளின் மாதிரி கண்காட்சி அமைக்கும் பணி ஜூன் 15(இன்று) இரவுக்குள் முடிக்கப்படும்.இதற்கான பூஜை ஜூன் 16 காலை 9:00 மணிக்கு தொடங்கும். இதில் மத்திய இணை அமைச்சர் எல்.முருகன், புதுச்சேரி உள்துறை அமைச்சர் நமச்சிவாயம் உள்ளிட்ட முக்கிய பிரதிநிதிகள் கலந்து கொள்ள உள்ளனர். அதன் தொடர்ச்சியாக ஜூன் 22 வரை காலை 9:00 மணி முதல் மாலை 5:00 மணிவரை பொதுமக்கள் பார்வையிட இலவசமாக அனுமதிக்கப்படுவர். அவர்களுக்கு தேவையான அடிப்படை வசதிகள் ஏற்படுத்தப்பட்டுள்ளது என்றார்.

மாநாட்டு பணிகளை காரைக்குடி முன்னாள் எம்.எல்.ஏ., சோழன் பழனிசாமி, மதுரை மாவட்ட பா.ஜ., பொறுப்பாளர்கள் பார்வையிட்டனர்.