இரவு நேரத்தில், இந்த கட்டணத்தை இரட்டிப்பாக வசூலிக்க அனுமதித்து, போக்குவரத்துதுறை உத்தரவு பிறப்பித்தது.

இது அமலுக்கு வந்து, 11 ஆண்டுகளாகி விட்டது. இருப்பினும், அரசு அறிவித்தபடி, மின்னணு மீட்டரும் வழங்கவில்லை; எரிபொருள் விலைக்கு ஏற்ப ஆட்டோ கட்டணத்தை நிர்ணயம் செய்ய கமிட்டியும் அமைக்கவில்லை.

இந்நிலையில், புதிய கட்டணம் நிர்ணயிக்க கோரி, ஆட்டோ தொழிற்சங்கங்கள் தொடர்ந்து போராட்டங்கள் நடத்தி வருகின்றன.

இதுகுறித்து, தமிழக போக்குவரத்து ஆணையரக அதிகாரிகள் கூறியதாவது: ஆட்டோக்களுக்கு டிஜிட்டல் மீட்டருக்கு பதிலாக, பிரத்யேக செயலி கொண்டு வர உள்ளோம். இதுவரை, 1.70 லட்சம் தொழிலாளர்களின் விபரங்களை சேகரித்துள்ளோம். புதிய கட்டண விபரத்தை, தமிழக அரசுக்கு அனுப்பி உள்ளோம். விரைவில், புதிய கட்டணத்தைஅரசு அறிவிக்கும்.

இவ்வாறு அவர்கள் கூறினர்.