இது குறித்து, சங்கத்தின் பொதுச்செயலர் வெங்கடாச்சலம் கூறியதாவது: பல்வேறு வங்கிகளில், 2 லட்சம் பணியிடங்கள் காலியாக உள்ளன. இதனால், வங்கிகளில் ஊழியர் பற்றாக்குறை ஏற்பட்டு, வாடிக்கையாளர்களுக்கு சிறந்த சேவை வழங்க முடியாத நிலை ஏற்பட்டுள்ளது.

வாடிக்கையாளர்கள், வங்கி ஊழியர்களை தாக்கும் சம்பவங்கள் அதிகரிக்க துவங்கி உள்ளன. எனவே, அனைத்து வங்கிக் கிளைகளிலும், ஆயுதம் தாங்கிய காவலர்களை பணி அமர்த்த வேண்டும்.

வங்கிகளில் உள்ள காலி பணியிடங்களை நிரப்ப நடவடிக்கை எடுக்க வேண்டும். வங்கிகளில் வாரத்துக்கு, ஐந்து நாட்கள் வேலையை அமல்படுத்த வேண்டும்.

வங்கி ஊழியர்களுக்கு அளிக்கப்படும் சலுகைகளுக்கு, வருமான வரியில் இருந்து விலக்கு அளிக்க வேண்டும்.

வங்கிகளில், 'அவுட்சோர்சிங்' முறையில் வெளியாட்களை பணி அமர்த்தக் கூடாது என்ற கோரிக்கைகளை வலியுறுத்தி, வரும், 24 மற்றும், 25ம் தேதிகளில், வேலை நிறுத்தப் போராட்டத்தில் ஈடுபட உள்ளோம்.

இப்போராட்டத்தில், அகில இந்திய வங்கி அதிகாரிகள் சங்கம், இந்திய வங்கி ஊழியர் சம்மேளனம் உள்ளிட்ட, ஒன்பது சங்கங்களை சேர்ந்த வங்கி ஊழியர்கள் பங்கேற்க உள்ளனர்.

இவ்வாறு அவர் கூறினார்.