அவரது அறிக்கை:

தமிழகத்தில் உள்ள, 180 அரசு கலை மற்றும் அறிவியல் கல்லுாரிகளில், 46 கல்லுாரிகளில் பாலியல் புகார்களை தெரிவிக்கும் 'உள்ளக புகார் குழு'க்கள் அமைக்கப்படவில்லை. அதிலும், தங்கள் கல்லுாரிகளில் உள்ளக புகார் குழு இருக்கிறதா, இல்லையா என்பதை தெரிவிக்க கூட, 113 அரசு கல்லுாரிகள் அலட்சியம் காட்டியுள்ளன.

அனைத்து நிறுவனங்களிலும், 10க்கும் மேற்பட்ட பெண்கள் பங்கு பெறும் உள்ளக புகார் குழு அமைக்கப்பட வேண்டும் என்று, விதி உள்ள போதும், அதை அமைக்காமல் இருப்பது, தி.மு.க., அரசுக்கு அக்கறை இல்லை என்பதை வெளிப்படுத்துகிறது. குற்றங்களே நடக்கவில்லை என்று கணக்கு காட்டுவதற்காக, கல்லுாரிகளில் உள்ளக புகார் குழுக்களையே அமைக்காமல் கிடப்பில் போட்டுள்ளதா என்ற கேள்வியும் எழுகிறது.

பெண்களுக்கு எதிரான குற்றங்களை இரும்புக்கரம் கொண்டு அடக்குவோம் என்று, விளம்பரங்களில் முழங்குவது உண்மையானால், அனைத்து அரசு கல்லுாரிகளிலும் பாலியல் புகார் குழுக்களை, முதல்வர் ஸ்டாலின் அரசு உடனே அமைக்க வேண்டும்.

இவ்வாறு அதில் கூறப்பட்டுள்ளது.