தவெக அரசு, மே 10ம்தேதி பொறுப்பேற்றது. 2026 - 27 ம்ஆண்டிற்கான பொது பட்ஜெட்டை, ஆக.5ல் தாக்கல் செய்ய உள்ளது. இதற்காக, காலை 10:00 மணிக்கு சட்டசபை கூடுகிறது. அதைத் தொடர்ந்து, வேளாண் துறைக்கான, தனி பட்ஜெட் தாக்கல் செய்யப்பட உள்ளது.

நிதி அமைச்சர் மரிய வில்சன் பொது பட்ஜெட், வேளாண் அமைச்சர் வினோத், வேளாண் துறைக்கு தனி பட்ஜெட் தாக்கல் செய்ய தயாராகி உள்ளனர். முதல்வர் விஜய் ஒப்புதல் பெற்று, பட்ஜெட்டிற்கு இறுதி வடிவம் கொடுக்கப்பட்டு உள்ளது.

பட்ஜெட் அறிக்கை, அமைச்சர்களிடம் ஏற்கனவே ஒப்படைக்கப்பட்டு உள்ளது. இருவரும் புதியவர்கள் என்பதால், அதை எவ்வாறு படிப்பது, எங்கெங்கு நிறுத்துவது, எங்கெங்கு உவமைகள் சொல்வது என, துறை செயலாளர்கள் மற்றும் அரசியல் பி.ஏ.,க்கள் வாயிலாக, சிறப்பு பயிற்சிகள் அளிக்கப்பட்டு உள்ளன.