இதுதொடர்பான விசாரணையில் மின் கணக்கீடு ஆய்வாளர் கன்னியப்பன், வீடுகள் தோறும் சென்று கணக்கீடு மேற்கொள்வதற்கு பதில், ஒரே இடத்தில் அமர்ந்து, முந்தைய ரீடிங் அளவில் சற்று கூட்டியும், குறைத்தும், கணினியில் பதிவேற்றம் செய்தது தெரிந்தது.

மேலும், அவர் விடுமுறையில் சென்றபோது, அவருக்கு மாற்றாக சென்ற மின் கணக்கீட்டாளர் மூலம், 6 மாதங்களாக நடந்த மின் கணக்கீடு குளறுபடி அம்பலமானது. தொடர்ந்து, பாதிக்கப்பட்ட மின் நுகர்வோர் பலர் நேரடியாகவும், மின்னஞ்சல் மூலமும் புகார் அனுப்பினர்.

ஏற்கனவே ஏற்காட்டில் பணியாற்றிய கன்னியப்பன், அதேபோல் மின் கணக்கீடு குளறுபடி செய்ததால், அஸ்தம்பட்டிக்கு இடமாற்றப்பட்டதும் தெரிந்தது. இதனால் கன்னியப்பனை சஸ்பெண்ட் செய்து, இரு நாட்களுக்கு முன், உதவி செயற்பொறியாளர் ரவிச்சந்திரன் உத்தரவிட்டார்.