கேப்டன் காட்டன் கால்வாயில் அதிகளவில் குப்பை கொட்டுதல் மற்றும் சுத்திகரிக்கப்படாத கழிவுநீர் வெளியேற்றம் காரணமாக மூச்சுத் திணறலுக்கு உள்ளாவதாக புகார் எழுந்த நிலையில், தானாக முன்வந்து (தனித்தனியாக) தொடரப்பட்ட வழக்கை பசுமை தீர்ப்பாயம் விசாரித்தது.

தேசிய பசுமை தீர்ப்பாயம் தலைவர் நீதிபதி பிரகாஷ் ஸ்ரீவஸ்தவா மற்றும் நிபுணர் உறுப்பினர் ஏ. செந்தில் வேல் ஆகியோர் அடங்கிய அமர்வு, கடந்த மே 29 தேதியிட்ட உத்தரவில் கூறப்பட்டிருப்பதாவது:

அயனாவரம் பஸ் நிலையத்திற்கு அருகிலுள்ள ஆண்டர்சன் சாலைக்கு அருகிலுள்ள பகுதியில் நிலைமை மிகவும் மோசமாக உள்ளது, அங்கு பிளாஸ்டிக் கழிவுகள் மற்றும் குப்பைகள் குவியல்கள் நீர் ஓட்டத்தை கடுமையாகத் தடுக்கின்றன.

சுத்திகரிக்கப்படாத கழிவுநீரை நேரடியாக கால்வாயில் வெளியேற்றுவது, அதன் நிலையை மோசமாக்குவது மற்றும் ஒரு காலத்தில் செயல்பட்ட நீர்வழிப்பாதையின் அழிவுக்கு பங்களிப்பதையும் எடுத்துக்காட்டியது.

இது,நீர் (மாசு தடுப்பு மற்றும் கட்டுப்பாடு) சட்டம், திடக்கழிவு மேலாண்மை விதிகள் மற்றும் சுற்றுச்சூழல் (பாதுகாப்பு) சட்டத்தின் விதிகளை மீறுவதைக் குறிக்கிறது

சுற்றுச்சூழல் விதிமுறைகளுக்கு இணங்குவது தொடர்பான கணிசமான பிரச்சினைகளை செய்தி அறிக்கை எழுப்பிய நிலையில்,சென்னை மாவட்ட கலெக்டர் மற்றும் தமிழ்நாடு மாசு கட்டுப்பாட்டு வாரியத்தின் உறுப்பினர் செயலாளர் ஆகியோரை ஒரு தரப்பினராகவோ அல்லது பிரதிவாதிகளாகவோ சேர்த்து, வரும் ஆக. 1 ஆம் தேதி சென்னையில் உள்ள தெற்கு மண்டல தேசிய பசுமை தீர்ப்பாய பெஞ்சில் பதில் அளிக்க வேண்டும்.

இவ்வாறு அந்த உத்தரவில் கூறப்பட்டுள்ளது.