வயநாடு லோக்சபா தொகுதி இடைத்தேர்தலில் போட்டியிடும் காங்., வேட்பாளர் பிரியங்கா நாளை (அக்.,23) வேட்புமனு தாக்கல் செய்ய உள்ளார். வரும் நவ., 13ல் இடைத்தேர்தல் நடைபெற உள்ளது.

இது குறித்து, சமூகவலைதளத்தில் ராகுல் வெளியிட்டுள்ள அறிக்கையில் கூறியிருப்பதாவது: வயநாடு தொகுதிக்கு பிரியங்காவை விட சிறந்த பிரதிநிதியை என்னால் கற்பனை செய்து கூட பார்க்க முடியாது.

வயநாடு லோக்சபா தொகுதியில் போட்டியிட நாளை பிரியங்கா வேட்புமனு தாக்கல் செய்யும்போது, ​​எங்களுடன் வாருங்கள். வயநாடு மக்கள் தேவைக்காக பார்லிமென்டில் அவர்களது குரலாக பிரியங்கா ஒலிப்பார். இவ்வாறு ராகுல் கூறியுள்ளார்.

வயநாடு தொகுதியில் வெற்றி பெற்ற ராகுல், எம்.பி., பதவியை ராஜினாமா செய்ததால், இடைத்தேர்தல் நடைபெற உள்ளது என்பது குறிப்பிடத்தக்கது.