அதில் பேசிய புதிய தமிழகம் தலைவர் கிருஷ்ணசாமியின் மகன் ஷ்யாம், ''ஒரு குறிப்பிட்ட சமூகத்தினர் தான் மற்றவர்கள் மீது தாக்குதல் நடத்துகின்றனர். ஆங்கிலேயர்கள் ஓட்டு அரசியல் செய்யாததால், கடும் சட்டங்களைக் கொண்டு வந்து நடவடிக்கை எடுத்தனர். தற்போது ஓட்டு அரசியல் செய்வதால் குற்றம் செய்பவர்கள் மீது நடவடிக்கை எடுப்பதில்லை,'' என பேசினார்.

பொது இடத்தில் மற்ற சமூகத்தினரை தாக்கி பேசியது தொடர்பாக, ஷ்யாம் மீது நடவடிக்கை எடுக்க சில அமைப்புகள் வலியுறுத்தின. நெல்லை ஜங்ஷன் போலீஸ் எஸ்.ஐ., கோலப்பன் புகாரின் பேரில், ஷ்யாம் மற்றும் கூட்டத்திற்கு ஏற்பாடு செய்த கட்சி நிர்வாகி ஆகியோர் மீது 4 பிரிவுகளில் வழக்குப்பதிவு செய்தனர்.