ஆவின் நிறுவனத்தில், ஒவ்வொரு நிதியாண்டு முடிந்ததும், அடுத்த நான்கு மாதங்களுக்குள், அந்த ஆண்டுக்குரிய கணக்குகள் சமர்ப்பிக்கப்பட்டு, செப்டம்பர் மாதத்திற்குள் தணிக்கை முடிக்கப்பட வேண்டும்.

ஆனால், கடந்த 2024 - -25ம் நிதியாண்டு முடிந்து, ஓராண்டு கடந்த நிலையில், பல மாவட்டங்களில் அமைந்துள்ள ஆவின் பால் ஒன்றியங்களில், தணிக்கை பணி முடிக்கப்படாமல் உள்ளது.

சட்டசபையில், எதிர்க்கட்சிகள், தணிக்கை விபரங்களை கேட்டு அழுத்தம் கொடுத்து வந்த நிலையில், சென்னை ஆவின் பெடரேஷன்; ஈரோடு, சேலம், திருச்சி, மதுரை உள்ளிட்ட ஒன்றியங்களில், தணிக்கைக்கு கணக்கு சமர்ப்பிக்கப்படவில்லை.

ஆவின் நிறுவனத்தில் பல்வேறு குளறுபடிகள் நடந்துள்ளதால், கணக்கை சமர்ப்பிக்க காலதாமதம் செய்வதாக, குற்றச்சாட்டு எழுந்துள்ளது.

தணிக்கை முடிந்த பின், குளறுபடிகள் விபரம் வெளியே தெரிய வரும் என அதிகாரிகள் தெரிவித்தனர்.