கடந்த அக்டோபர் மாதம் ஆபரணத்தங்கத்தின் விலை கிடுகிடுவென்று உயர்ந்து வரலாறு காணாத உச்சத்தை எட்டியது. ஒரு சவரன் ரூ.60 ஆயிரத்தை விரைவில் எட்டிப் பிடித்து விடும் என்று எதிர்பார்க்கப்பட்ட நிலையில் விலை அதிரடியாக குறைந்து பெண்கள் மத்தியில் மகிழ்ச்சியை ஏற்படுத்தியது.

இந் நிலையில் நேற்றும், இன்றும் தங்கத்தின் விலை திடீரென உயர்ந்துள்ளது. நேற்றைய தினம்(நவ.18) சவரன் 480 ரூபாய் உயர்ந்தது. இன்றைய தினமும் தங்கத்தின் விலை ஏறுமுகமாகவே உள்ளது. அதன் படி ஒரு சவரன் தங்கம் 560 ரூபாய் உயர்ந்துள்ளது.

ஆபரணத் தங்கம் சவரன் ரூ.56,520க்கும், ஒரு கிராம் தங்கம் ரூ.7065க்கும் விற்பனையாகி வருகிறது. நேற்றும், இன்றும் மட்டும் ஒரு சவரன் ரூ.1040 அதிகரித்துள்ளது. தங்கத்தின் விலை மீண்டும் ஏற தொடங்கி உள்ளதால் பெண்கள் அதிர்ச்சி அடைந்துள்ளனர்.

கடந்த 10 நாட்களில் (நவ.9 முதல் நவ.18 வரை) தங்கம் விலை நிலவரம் வருமாறு;

09/11/2024 - ரூ.58,200

10/11/2024 - ரூ.58,200

11/11/2024 - ரூ.57,760

12/11/2024 - ரூ.56,680

13/11/2024 - ரூ.56,360

14/11/2024 - ரூ.55,480

15/11/2024 - ரூ.55,560

16/11/2024 - ரூ.55,480

17/11/2024 - ரூ.55,480

18 /11/2024 - ரூ.55,960