இயக்குனர் ராஜ்குமார் பெரியசாமி இயக்கத்தில், நடிகர் சிவகார்த்திகேயன், நடிகை சாய் பல்லவி நடித்த, 'அமரன்' திரைப்படம் நேற்று வெளியானது. மறைந்த ராணுவ வீரர் மேஜர் முகுந்த் வரதராஜனின் வாழ்க்கையை மையமாக வைத்து தயாரிக்கப்பட்டுள்ள இப்படத்தில், முகுந்த் வரதராஜன் கதாபாத்திரத்தில் சிவகார்த்திகேயனும், முகுந்தின் மனைவி இந்து ரெபேக்கா கதாபாத்திரத்தில், சாய் பல்லவியும் நடித்துள்ளனர்.

இப்படம் முதல்வர் ஸ்டாலினுக்காக நேற்று முன்தினம் பிரத்யேகமாக திரையிடப்பட்டது. படத்தை பார்த்த முதல்வர் ஸ்டாலின் கண்கலங்கினார். படம் முடிந்ததும், படக்குழுவினரை பாராட்டிய ஸ்டாலின், 'ரொம்ப டச்சிங்கா இருக்கு, கண்ணெல்லாம் கலங்கிடுச்சு' என்றார். படத்தின் தயாரிப்பாளரான கமலை தொலைபேசி வாயிலாக தொடர்பு கொண்டு, 'படம் ரொம்ப நல்லா இருக்கு, ரொம்ப பிடிச்சுருக்கு; வாழ்த்துக்கள், பாராட்டுக்கள்' என்றும் கூறினார்.