ஆர்.எஸ்.மங்கலத்தில் வாரந்தோறும் சனிக்கிழமை மிளகாய் சந்தை நடக்கிறது. நேற்றைய சந்தைக்கு 400 குவிண்டால் குண்டு மிளகாய் வத்தலை விவசாயிகள் விற்பனைக்கு கொண்டுவந்தனர்.

கடந்த வாரம் முதல் தர பெரியவகை குண்டு வத்தல் குவிண்டால் ரூ.32,000க்கும், 2ம் தர சிறிய வகை குண்டு வத்தல் ரூ.28,000க்கும் விற்பனையானது. நேற்றைய சந்தையில் விலை ரூ.4,000 சரிந்து பெரிய வகை குண்டு வத்தல் ரூ.28,000க்கும், சிறிய வகை குண்டு வத்தல் ரூ.24,000க்கும் விற்பனையானது. இதனால் விவசாயிகள் கவலை அடைந்தனர்.

கடந்த வாரங்களை விட கூடுதல் வத்தல் மூடைகள் விற்பனைக்கு வந்ததால் வியாபாரிகள் இடையே போட்டியின்றி சிண்டிகேட் அமைத்து விலை நிர்ணயிக்கப்பட்டதாக விவசாயிகள் குற்றம் சாட்டினர்.