சென்னை: ராமநாதபுரத்தில் மர்ம நபர்கள் தாக்கி இறந்த மாணவர் பழனிக்குமார் குடும்பத்திற்கு, முதல்வர் நிவாரண நிதியிலிருந்து, ஒரு லட்ச ரூபாய் வழங்க முதல்வர் உத்தரவிட்டுள்ளார். தாக்குதல் நடத்தியோர் மீது சட்டப்படி நடவடிக்கை எடுக்கப்படுமென அறிவித்துள்ளார். ராமநாதபுரம், பச்சேரியைச் சேர்ந்த தங்கவேல். இவரது மகன் பழனிக்குமார்; அரசு மேல்நிலைப் பள்ளியில் பிளஸ் 1 படித்து வந்தார். இவர், முத்துராமலிங்கபுரத்தில் நடந்த நாடகத்தைப் பார்த்துவிட்டு, 9ம் தேதி இரவு வீடு திரும்பும்போது, சில நபர்களால் தாக்கப்பட்டு உயிரிழந்தார்.