அனைத்து மட்டத்திலும் வருத்தம்!

அண்ணாதுரை நினைவு நாளன்று, சென்னை வாலாஜா சாலையில் அமைதி ஊர்வலம், முதல்வர் ஸ்டாலின் தலைமையில் நடந்தது. அதற்கு அனுமதி வழங்கிய போலீஸ், அக்., 2ம் தேதி காந்தி பிறந்த நாள், அமைதிப் பேரணி நடத்துவதற்கு, நாங்க கேட்ட இடம் வழியாக செல்ல அனுமதி வழங்கவில்லை. காங்கிரஸ் கட்சியினரை, ஆட்சியாளர்கள் மதிக்கவில்லை என்ற அதிருப்தி கட்சியின் அனைத்து மட்டத்திலும் உள்ளது.
இப்படிப்பட்ட வெறுப்பையெல்லாம் வைத்துத்தான், எம்.எல்.ஏ., அமிர்தராஜ் பேசியிருக்கக்கூடும். பிரதான எதிர்க்கட்சிகள் போட்டியிடாதபட்சத்தில், ஈரோடு கிழக்குத் தொகுதியில் இம்முறையுன் கூட்டணி சார்பில் காங்கிரஸையே போட்டியிட வைத்திருக்கலாம். அதை பிடுங்கிக் கொண்டது தி.மு.க., இதையும் தொண்டர்கள் விரும்பவில்லை. வரும் சட்டசபை தேர்தலில் ஆட்சியில் பங்கு; கூடுதல் தொகுதிகள் போன்ற கோரிக்கைகளை முன்வைக்க வேண்டும் என்பதும், தொண்டர்களின் விருப்பமாக உள்ளது. - மயிலை அசோக்குமார், துணைத் தலைவர், தமிழக காங்கிரஸ் கலைப்பிரிவு.