புதுடில்லி: ஓட்டுக்கு பணம் கொடுத்த வழக்கில் கைது செய்யப்பட்டு திகார் சிறையில் உள்ள அமர்சிங் தாக்கல் செய்த மனு மீதான விசாரணையை வரும் 12-ம் தேதிக்கு கோர்ட் தள்ளி வைத்தது. கடந்த 2008-ம் ஆண்டு பாராளுமன்றத்தில் மன்மோகன் அரசு மீது நடந்த நம்பிக்கை வாக்கெடுப்பில் பா.ஜ. எம்.பி.க்களுக்கு லஞ்சம் கொடுத்ததாக அமர்சிங் உள்ளிட்ட 4 பேர் மீது டில்லி போலீசார் வழக்குப்பதிவு செய்தனர்.இது தொடர்பாக சமாஜ்வாடி கட்சியின் முன்னாள் செல்வாக்க மிக்க தலைவராக இருந்த அமர்சி்ங் உள்ளிட்டோர் கைது செய்யப்பட்டனர். அமர்சிங் திகார் சிறையில் அடைக்கப்பட்டார். வழக்கு டில்லி டீஸ்ஹசாரியா கோர்டில் நடந்து வருகிறது.