இதனால் தினமும் சராசரியாக 16,000 மெகா வாட்டாக உள்ள மின் தேவை 22,000 மெகா வாட்டை தாண்டும் என மின் வாரியம் மதிப்பீடு செய்துஉள்ளது.

இதை பூர்த்தி செய்ய மார்ச்சில் தினமும் அதிகாலை 12:00 மணி முதல் மறுநாள் மாலை 6:00 மணி வரை 18 மணி நேரத்துக்கு 750 மெகா வாட்; மாலை 6:00 மணி முதல் அதிகாலை 12:00 மணி வரை 1575 மெகா வாட் மின்சாரம் வாங்க ஆணையம் அனுமதி அளித்துள்ளது.

ஏப்ரலில் 18 மணி நேரத்துக்கு 1200 மெகா வாட்; மாலை 6:00 மணி முதல் அதிகாலை 12:00 வரை 2340 மெகா வாட் வாங்கப்பட உள்ளது.

மே மாதம் 18 மணி நேரத்திற்கு 600 மெகா வாட்; மாலை 6:00 மணி முதல் அதிகாலை 12:00 வரை 1320 மெகா வாட் வாங்கப்பட உள்ளது.

இந்த காலத்தில் 18 மணி நேரத்திற்கு வாங்கப்படும் மின்சாரத்தை யூனிட் 5.58 ரூபாய் முதல் 5.99 ரூபாய் வரை; மாலை முதல் அதிகாலை வரை யூனிட்டிற்கு 8.90 ரூபாய் விலையில் வாங்க, வாரியம் முடிவு செய்துள்ளது.

இந்த விலைக்கு மின்சாரம் வாங்க ஆணையத்திடம் அனுமதி கோரப்பட்டு உள்ளது.