தமிழக மின் நுகர்வு வரி சட்டத்தின் கீழ், மின் வரியை, மின் கட்டணங்களுடன் வசூலித்து, அரசு கணக்கில், மின் வாரியத்தின் துணை நிறுவனமான மின் உற்பத்தி மற்றும் பகிர்மான கழகம் செலுத்த வேண்டும்.

கடந்த 2019 முதல் 2024 மார்ச் வரை, 7,478 கோடி ரூபாய் வசூலிக்கப்பட்ட நிலையில், அரசு கணக்கில் செலுத்தப்பட வேண்டிய தொகை, 7,316 கோடி. ஆனால், 6,809 கோடி ரூபாய் செலுத்தப்பட்டது.

எனவே, செலுத்தப்படாத மின்சார வரி, 507.43 கோடி ரூபாய் உள்ளது. வசூலிக்கப்பட்ட வரி தொகையை, நீண்ட காலத்திற்கு அரசு கணக்கில் செலுத்தாமல் வைத்திருப்பது, தற்காலிக பண மோசடிக்கு வழி வகுக்கக் கூடும்.