அவரது அறிக்கை:

டாஸ்மாக்கில் நடந்த ஊழல்கள் தொடர்பாக, அமலாக்கத் துறை நடத்தி வரும் சோதனையில் வெளியாகியுள்ள செய்திகள் அதிர்ச்சி அளிக்கின்றன. மது கொள்முதல், ஒப்பந்தம் வழங்குவதில் ஆட்சியாளர்களுக்கு நெருக்கமானவர்களால், டாஸ்மாக் நிர்வாக இயக்குனர் உள்ளிட்ட அதிகாரிகள் எப்படியெல்லாம் ஆட்டுவிக்கப்பட்டனர் என்பதற்கான ஆதாரங்கள் வெளியாகியுள்ளன.

டாஸ்மாக் நிறுவனத்தை ஊழல் சுரங்கமாக தி.மு.க., அரசு மாற்றியுள்ளது. டாஸ்மாக் அரசுக்கு காமதேனுபோல பணத்தைக் கொட்டிக் கொண்டிருக்கிறது. ஆட்சியாளர்களுக்கும் பணம் காய்க்கும் மரமாக உள்ளது.

ஊழலை மூடி மறைக்கும் நோக்குடன், அது தொடர்பான, 40க்கும் மேற்பட்ட வழக்குகளை போதிய ஆதாரங்கள் இல்லை என்று மூடி விடும் முயற்சி நடக்கிறது. ஏற்கனவே, சில வழக்குகள் மூடப்பட்டு விட்டதாகக் கூறப்படுகிறது.

எந்த ஊழலும் நடக்கவில்லை என்றால், அதை தமிழக அரசு துணிச்சலுடன் எதிர்கொள்ள வேண்டும். ஆனால், டாஸ்மாக் ஊழல் வழக்கின் விசாரணைக்கு, தமிழக அரசு தொடக்கம் முதல் முட்டுக்கட்டை போட்டு வருகிறது.

இந்த ஊழல் தொடர்பான மூல வழக்குகளை, தமிழக அரசின் கட்டுப்பாட்டில் உள்ள லஞ்ச ஒழிப்பு பிரிவு விசாரித்தால், தவறு செய்தவர்கள் தப்ப வைக்கப்பட்டு விடுவர். எனவே, டாஸ்மாக் ஊழல் தொடர்பான, 40க்கும் மேற்பட்ட வழக்குகளை, சி.பி.ஐ., விசாரணைக்கு, தமிழக அரசு மாற்ற வேண்டும்.

இவ்வாறு அவர் கூறியுள்ளார்.