திண்டுக்கல்லில் அவர் அளித்த பேட்டி: தி.மு.க., ஆட்சி அமைந்ததும் பழைய ஓய்வூதியம் அமல்படுத்தப்படும் என தெரிவித்து விட்டு, தற்போது குழு அமைத்திருப்பதாகவும், அதன் அறிக்கையை செப்டம்பரில் அமல்படுத்துவோம் என தமிழக அரசு தெரிவித்துள்ளது. தமிழக அரசின் 9 அறிவிப்புகளையும் ஆணையாக வெளியிட்டு அமல்படுத்த வேண்டும்.

கொரோனாவின் போது முடக்கப்பட்ட அகவிலைப்படி வழங்கப்படும் என அறிவிப்பு வெளியாகி உள்ளது. மேலும், விடுப்புக்களை பணமாக்கலாம் என முன்னாள் முதல்வர் கருணாநிதி தெரிவித்த அறிவிப்பு, தற்போது 4 ஆண்டுகால ஆட்சிக்குப் பின்பும் வழங்கப்படவில்லை.

இப்படிப்பட்ட காரணங்களால், அரசு ஊழியர்கள், ஆசிரியர்களின் ஓட்டுகளை முதல்வர் ஸ்டாலின் இழந்து வருகிறார். இதனால் 200 தொகுதிகள் வெற்றி என்பது தி.மு.க.,வுக்கு சாத்தியமாக வாய்ப்பில்லை. இவ்வாறு அவர் கூறினார்.