தஞ்சாவூர் மாவட்டம், கும்பகோணத்தை சேர்ந்தவர் சுரேஷ், 58. அரசு போக்குவரத்து கழக கிளை மேலாளர். இதே கிளையில், மேலமாத்துாரை சேர்ந்த செந்தமிழ்செல்வன் டிரைவராக வேலை பார்க்கிறார். முறையாக பணிக்கு வராததால், சில நாட்களுக்கு முன், செந்தமிழ்செல்வன், கும்பகோணத்தில் இருந்து காரைக்குடிக்கு பணியிடமாற்றம் செய்யப்பட்டார்.

இந்நிலையில், நேற்று முன்தினம், கும்பகோணம் கிளை அலுவலகத்திற்கு வந்த செந்தமிழ்செல்வன், சுரேஷிடம் தகராறு செய்து, அவரை கத்தியால் குத்தி தப்பினார். இது குறித்து மேற்கு போலீசார் வழக்குப்பதிவு செய்து, செந்தமிழ்செல்வன், அவருக்கு உடந்தையாக இருந்த கண்டக்டர் பிரதாப் இருவரையும் நேற்று முன்தினம் இரவு கைது செய்தனர்.