துபாயிலிருந்து ஸ்பைஸ் ஜெட் விமானம் காலை 11:20 மணிக்கு மதுரைக்கு வந்துசேரும். மதுரையிலிருந்து மதியம் 12:20 மணிக்கு துபாய் புறப்பட்டு செல்லும்.இந்நிலையில் நேற்று மதுரைக்கு வரவேண்டிய ஸ்பைஸ் ஜெட் விமானம் ரத்து செய்யப்பட்டது என நிர்வாகம் அறிவித்தது.

இதனால் காலை 8:00 மணி முதல் துபாய் செல்வதற்காக விமான நிலையம் வந்த பயணிகளிடம் மதியம் 2:00 மணி , மீண்டும் மாலை 5:40 வரை தாமதம் எனவும் அறிவித்த நிலையில் இறுதியாக நேற்று இரவு 8:40 மணிக்கு மதுரையிலிருந்து புறப்படும் என நிர்வாகம் அறிவித்தது. நீண்ட நேரம் விமான நிலையத்தில் காத்திருந்த பயணிகள் பெரும் அவதிக்குள்ளாகினர்.