நாகர்கோவில்: கன்னியாகுமரி மாவட்டம் பூதப்பாண்டி அருகே திட்டுவிளையை சேர்ந்தவர் நேசமணி. இவருக்கும் அவரது உறவினர் ஞானசிகாமணிக்கும் இடையே சொத்து பிரச்னை இருந்துள்ளது. 2005 ஆகஸ்ட் 28-ல் நேசமணியின் மகன் முத்துராஜ் 34, உறவினர் ஞான சிகாமணியை தாக்கியுள்ளார். இதையடுத்து ஞானசிகாமணியின் மகன்கள் செல்வன் 33, செல்வ சிங் 32, ஆகியோர் நண்பர்கள் வாழையத்து வயலைச் சேர்ந்த சுரேஷ் 32, அழகியபாண்டிபுரத்தைச் சேர்ந்த ரசீத் 23, துரை 28, ஆகியோருடன் சேர்ந்து முத்துராஜை கொலை செய்தனர். பூதப்பாண்டி போலீசார் 9 பேர் மீது வழக்கு பதிவு செய்தனர்.