சென்னை உயர் நீதிமன்றத்துக்கு அனுமதிக்கப்பட்ட மொத்த நீதிபதிகள் எண்ணிக்கை, 75. தற்போது உள்ள, 65 நீதிபதிகளில், ஒருவர் இன்றும், நான்கு பேர் மே மாதமும் ஓய்வு பெறுகின்றனர். இன்று நீதிபதி ஆர்.ஹேமலதா; மே, 2ம் தேதி நீதிபதி எஸ்.எஸ்.சுந்தர்; 9ல், நீதிபதி ஏ.ஏ.நக்கீரன்; 16ல், நீதிபதி வி.பவானிசுப்பராயன்; 31ல், நீதிபதி வி.சிவஞானமும் பணி ஓய்வு பெறுகின்றனர்.

இவர்கள் ஐந்து பேருக்கும், சென்னை உயர் நீதிமன்ற வளாகத்தில், இன்று மாலை பிரிவு உபசார விழா நடக்கிறது. உயர் நீதிமன்றத்துக்கு, மே 1 முதல் ஜூன் வரை கோடை விடுமுறை அறிவிக்கப்பட்டு உள்ளதால், விடுமுறைக் காலத்தில் ஓய்வு பெறும் நீதிபதிகளுக்கு, கடைசி பணி நாளான. இன்று பிரிவு உபசார விழா நடக்கிறது.

ஐந்து நீதிபதிகள் ஓய்வை அடுத்து நீதிபதிகள் காலியிடம், 15 ஆக உயர்ந்துள்ளது.