தர்மபுரி அருகே, செட்டிகரையில், தனியாருக்கு சொந்தமான பெட்ரோல் பங்கில், அக்., 26ம் தேதி பாப்பிரெட்டிப்பட்டி தொகுதி அ.தி.மு.க., முன்னாள் எம்.எல்.ஏ., கோவிந்தசாமி, தன் ஆதரவாளர்களுடன் சென்று, பண விவகாரம் தொடர்பாக ரகளையில் ஈடுபட்டார்.

அப்போது, பங்கில் பணியிலிருந்த ஊழியர்களை தகாத வார்த்தைகளில் திட்டியதுடன், ஜாதி பெயரை கூறி இழிவுபடுத்தி பேசியதாக, பங்கில் பணிபுரிந்த ஊழியர்கள் நேற்று முன்தினம் தர்மபுரி எஸ்.பி., அலுவலகத்தில் புகார் அளித்தனர். அவர் ரகளையில் ஈடுபட்ட, ‘சிசிடிவி’ காட்சிகள் இணையத்தில் பரவியது.

விசாரித்த தர்மபுரி டவுன் போலீசார், கோவிந்தசாமி, அவரது உதவியாளர் லோகேஷ், 38, அன்பு, 49, ஆகிய மூவர் மீதும் எஸ்.சி., – எஸ்.டி., வன்கொடுமை தடுப்பு சட்டம் உட்பட மூன்று பிரிவுகளில் வழக்கு பதிவு செய்துள்ளனர்.