மேற்கு தொடர்ச்சி மலைப்பகுதியான கொடைக்கானல், தாண்டிக்குடியில் சில நாட்களாக மழை பெய்து வருகிறது. நேற்று கொடைக்கானலில் காலை, 10:30 மணிக்கு துவங்கிய மழை, மாலை 4:00 மணி வரை இடைவிடாது பெய்தது.

குறைவான அளவிலேயே வந்த சுற்றுலா பயணியரும் விடுதிகளில் முடங்கினர். நகரை பனிமூட்டம் சூழ்ந்ததால், வாகனங்கள் முகப்பு விளக்குகளை எரிய விட்டு சென்றன. காற்றில் ஈரப்பதம் அதிகரித்து குளிர் நிலவியது.