தமிழகத்தில் வட கிழக்கு பருவ மழை தீவிரமடைந்த நிலையில், தற்போது டெல்டா மற்றும் வட மாவட்டங்களில் மழையின் தீவிரம் அதிகரித்துள்ளது.

நாகப்பட்டினம் மாவட்டம் வேதாரண்யத்தில், கன மழையின் காரணமாக, உப்பு உற்பத்தி ஸ்தம்பித்துள்ளது. உப்பளத்தில் பணியாற்றும் பணியாளர்களின் வாழ்வாதாரமும் பாதிக்கப்பட்டுள்ளது.

அதாவது, 9,000 ஏக்கரில் அமைந்துள்ள உப்பளங்கள் மழைநீரில் மூழ்கியுள்ளன. இங்கு ஆண்டுக்கு சுமார் 6.5 லட்சம் டன் உப்பு உற்பத்தி செய்யப்படுகிறது. மழை நின்று, மீண்டும் வெயில் வந்தால் தான் உப்பள தொழிலாளர்களுக்கு வேலை என்ற நிலை ஏற்பட்டுள்ளது.