அதன் அறிக்கை:

தமிழகத்தில் தென்மேற்கு பருவமழை, மேற்கு தொடர்ச்சி மலை மாவட்டங்களில் தீவிரம் அடைந்துஉள்ளது.

நேற்று மதியம் நிலவரப்படி, அதிகபட்சமாக கோவை சின்னக்கல்லாரில் 12 செ.மீ., மழை; நீலகிரி மாவட்டம் விண்ட் வெர்த் எஸ்டேட், கன்னியாகுமரி மாவட்டம் கோழிப்போர் விளையில் தலா 11 செ.மீ., மழை; கன்னியாகுமரி மாவட்டம் மைலாடி, கோவை வால்பாறை பகுதியில், தலா 9 செ.மீ., மழை பெய்துஉள்ளது.

இதேபோல, தேனி, தென்காசி, புதுக்கோட்டை, தஞ்சாவூர், திருப்பூர் மாவட்டங்களில், சில இடங்களில் மழை பதிவாகியுள்ளது.

மேற்கு திசை காற்றின் வேக மாறுபாடு காரணமாக, தமிழகம், புதுச்சேரி மற்றும் காரைக்கால் பகுதிகளில், இன்று முதல் 3ம் தேதி வரை இடி, மின்னலுடன் மழை பெய்யும்.

குறிப்பாக, கோவை, நீலகிரி மாவட்டங்களில் இன்று கனமழை பெய்யும். ஓரிரு இடங்களில் பலத்த தரைக்காற்று, மணிக்கு, 40 முதல் 50 கிலோ மீட்டர் வேகத்தில் வீசலாம். சென்னை மற்றும் புறநகர் பகுதிகளில், இன்று வானம் ஓரளவு மேகமூட்டத்துடன் காணப்படும். நகரின் சில பகுதிகளில், இடி மின்னலுடன் மழை பெய்யும். இவ்வாறு அதில் கூறப்பட்டுள்ளது.