அமைச்சர் அளித்த பேட்டி:

வீட்டுவசதி வாரியத்தால், 40 முதல் 45 ஆண்டுகளுக்கு முன், பல்வேறு திட்டங் களுக்கு நிலம் எடுக்க, 'நோட்டீஸ்' கொடுக்கப்பட்டு, முயற்சி எடுக்கப்பட்டது. ஆனால், திட்டம் முழுமையாக நிறைவேறவில்லை.

இதனால், அந்த நிலங்களை வாரியத்தால் பயன்படுத்த முடியவில்லை. உரிமையாளரும், அதன் மீது முழுமையான உரிமையை எடுக்க முடியவில்லை. இப்படி உத்தேசமாக, 10,000 ஏக்கருக்கு மேல் இருப்பது தெரிந்தது. அந்த நிலங்கள், ஐந்து வகையாக பிரிக்கப்பட்டன. அதில் ஐந்தாவது வகை, வீட்டுவசதி வாரியத்திற்கு சொந்தமானது.

இதில், 1 மற்றும் 2 வகைகளில், 4,300 ஏக்கர் நிலங்கள் விடுவிக்கப்பட்டன. மேலும், 3 மற்றும் 4ல் உள்ள நிலங்கள் தொடர்பாக, ஆய்வு செய்ய குழு அமைக்கப்பட்டுள்ளது.

இவ்வாறு அவர் கூறினார்.