அத்துறை செயலராக இருந்த சமயமூர்த்தி, சுற்றுலாத்துறை கமிஷனராக நியமிக்கப்பட்டுள்ளார். இவர்,தமிழ்நாடு சுற்றுலா வளர்ச்சிக் கழக மேலாண் இயக்குனராகவும் செயல்படுவார்.

சிறப்பு திட்ட செயலாக்கத்துறை செயலர் டாரஸ் அகமதிடம், தமிழ்நாடு வக்பு வாரிய தலைமை நிர்வாக அதிகாரி பொறுப்பு கூடுதலாக ஒப்படைக்கப்பட்டு உள்ளது.

இதற்கான அரசாணையை, தலைமைச் செயலர் சிவ்தாஸ் மீனா வெளியிட்டுள்ளார்.

அடுத்தடுத்து மாற்றம்

சென்னை பெருநகர வளர்ச்சிக் குழுமமான சி.எம்.டி.ஏ.,வில், அடுக்குமாடி திட்டங்களுக்கு ஒப்புதல் அளிப்பதற்கான கோப்புகளை பைசல் செய்வதில், கடந்த ஆண்டு அக்டோபரில் தேக்க நிலை ஏற்பட்டது.

இதனால் ஏற்பட்ட மோதலால், அப்போது வீட்டுவசதி, நகர்ப்புற வளர்ச்சி துறை செயலராக இருந்த அபூர்வா அக்., 18ல் மாற்றப்பட்டார். அவருக்கு பதிலாக, சி.சமயமூர்த்தி நியமிக்கப்பட்டார்.

இந்நிலையில், அரசு செயலர் சமயமூர்த்தி நேற்று மாற்றப்பட்டு, அவருக்கு பதிலாக கார்கர்லா உஷா நியமிக்கப்பட்டு உள்ளார். நான்கு மாதங்களுக்குள், வீட்டுவசதி துறை செயலர்கள் அடுத்தடுத்து மாற்றப்பட்டுள்ளது பல்வேறு சர்ச்சைகளை ஏற்படுத்தி உள்ளது.