ஜி.எஸ்.டி., விகிதத்தை மாற்றியமைப்பதற்காக, பீஹார் துணை முதல்வர் சாம்ராட் சவுத்ரி தலைமையில் அமைக்கப்பட்டுள்ள அமைச்சர் குழு, ஆடைகளுக்கான ஜி.எஸ்.டி., விகிதத்தை உயர்த்த பரிந்துரைத்துள்ளதாக தகவல் வெளியாகியுள்ளது.

இதுகுறித்து கவலை தெரிவித்து, சி.எம்.ஏ.ஐ., அறிக்கை வெளியிட்டுள்ளது.அதில் தெரிவிக்கப்பட்டுள்ளதாவது:

தற்போதைய நடைமுறையின் படி, ஆடைகளுக்கு அதிகபட்ச-மாக 12 சதவீத ஜி.எஸ்.டி., வசூலிக்கப்படுகிறது. அதிகபட்சமாக 28 சதவீதம் வரை ஜி.எஸ்.டி., வசூலிக்க அமைச்சரவைக் குழு பரிந்துரைத்துள்ள தகவல் உறுதியானால், இத்துறையில் சிறு, நடுத்தர நிறுவனங்களையும், பணியாளர்களையும் பெரிதாக பாதிக்கும்.

தற்போது 1,000 ரூபாய் வரையிலான ரெடிமேட் ஆடைகளுக்-கான 5 சதவீத ஜி.எஸ்.டி.,யை 1,500 ரூபாய் வரை உயர்த்த பரிந்து-ரைக்கப்பட்டிருப்பது, அடித்தட்டு மக்களுக்கு பயனுள்ளதாக இருக்கும். ஆனால், 1,500 ரூபாய் முதல் 10,000 ரூபாய் வரையி-லான ஆடைகளுக்கு, ஜி.எஸ்.டி.,யை 18 சதவீதமாகவும்; 10,000 ரூபாய்க்கு மேல் உள்ள ஆடைகளுக்கு 28 சதவீதமாகவும் உயர்த்-துவது, நடுத்தர மக்களை பாதிக்கும்.

வாடிக்கையாளர்களில் பெரும் பகுதி இப்பிரிவைச் சேர்ந்த-வர்கள் என்பதால், அவர்களின் தேவை குறைந்தால், நிறுவ-னங்கள் பாதிக்கப்பட்டு, ஜவுளித் துறையின் பல்வேறு பிரிவுகளில் ஒரு லட்சம் பேருக்கு வேலை பறிபோகும் சூழல் ஏற்படும்.

இவ்வாறு தெரிவிக்கப்பட்டுள்ளது.