இது குறித்து, போக்குவரத்து துறை வெளியிட்டுள்ள அறிக்கை:

தமிழக அரசு போக்குவரத்துக் கழகங்கள், தமிழக போக்குவரத்து வளர்ச்சி நிதி நிறுவனம், பல்லவன் போக்குவரத்து அறிவுரை பணிக்குழு ஆகியவற்றில் பணிபுரியும் பணியாளர்களுக்கு, நடப்பாண்டு பொங்கல் பண்டிகைக்கு, ஊக்கத்தொகை வழங்கப்பட உள்ளது.

அதன்படி, 91 - 151 நாட்கள் வரை பணிபுரிந்த ஊழியர்களுக்கு 85 ரூபாய்; 151 நாட்கள் முதல் 200 நாட்கள் வரை பணிபுரிந்தவர்களுக்கு, 195 ரூபாய்; 200 நாட்களுக்கு மேல் பணிபுரிந்தவர்களுக்கு, 625 ரூபாய் வழங்கப்படும்.

இதன் வாயிலாக, அரசு போக்குவரத்துக் கழகங்களில் பணிபுரியும், 1.03 லட்சம் ஊழியர்களுக்கு, 6.14 கோடி ரூபாய் வழங்கப்படும்.

இவ்வாறு அதில் கூறப்பட்டுள்ளது.