இது குறித்து, பல்கலை பதிவாளர் ராஜசேகரன், அனைத்து கல்லுாரி முதல்வர்கள், தாளாளர்களுக்கு அனுப்பியுள்ள சுற்றறிக்கையில் கூறியிருப்பதாவது:

தேசிய ஆசிரியர் கல்வி குழுமம், திருத்தப்பட்ட விதிகளின்படி, ஒருங்கிணைந்த நான்காண்டு பி.எஸ்சி., - பி.எட்., மற்றும் பி.ஏ., - பி.எட்., பட்டப்படிப்புகள், 2026 - 27ம் கல்வியாண்டு முதல் நிறுத்தப்படுகிறது.

எந்த ஒரு கல்வி நிறுவனமும், புதிதாக மாணவர்களை சேர்க்க அனுமதி கிடையாது. எனவே, தமிழ்நாடு ஆசிரியர் கல்வியியல் பல்கலையுடன், இணைப்பு அங்கீகாரம் பெற்ற, கல்வியியல் கல்லுாரிகளில், வரும் கல்வியாண்டு முதல், நான்காண்டு பி.எஸ்சி., - பி.எட்., மற்றும் பி.ஏ.,- பி.எட்., பட்டப்படிப்பு சேர்க்கை செய்ய வழிவகை இல்லை. விதிகளை மீறி, மாணவர் சேர்க்கை நடத்தினால், பல்கலை எந்தவிதத்திலும் பொறுப்பேற்காது.

இவ்வாறு அதில் கூறப்பட்டுள்ளது.