இது தொடர்பாக, தமிழ்நாடு மற்றும் புதுச்சேரி பார் கவுன்சில் செயலர் கீதா செந்தில்குமார் வெளியிட்ட அறிவிப்பு:

போக்சோ வழக்கில், நீதிமன்ற காவலில் உள்ள கன்னியாகுமரி மாவட்டம் பத்மநாபபுரம் பகுதியை சேர்ந்த அஜித்குமார்; விபசார வழக்கில் சிறையில் உள்ள நாகர்கோவிலை சேர்ந்த வழக்கறிஞர் விஜயானந்த்; பள்ளி, கல்லுாரி மாணவர்களுக்கு தடை செய்யப்பட்ட போதைப்பொருள் விற்ற வழக்கில், சிறையில் உள்ள திருவண்ணாமலையை சேர்ந்த கஜேந்திரன்; கொலை வழக்கில் சிறையில் உள்ள திருவண்ணாமலை, திருவள்ளூர் மாவட்டங்களை சேர்ந்த ரமேஷ்கன்ட், கணேஷ்.

பல்வேறு குற்ற வழக்குகளில் தொடர்புடைய, திருவண்ணாமலை மாவட்டம் கலசப்பாக்கம் பகுதியை சேர்ந்த குமரன்; இழப்பீடு தொகையில் முறைகேடு செய்த, பெரம்பலுாரை சேர்ந்த அறிவழகன்; குண்டர் தடுப்பு சட்டத்தில் கைதான கரூரை சேர்ந்த ராஜா; கொலை வழக்கில் தொடர்புடைய, சென்னையை சேர்ந்த சதீஷ்குமார் ஆகியோர், அனைத்து நீதிமன்றங்கள் மற்றும் தீர்ப்பாயங்களில், வழக்கறிஞர்களாக பணியாற்ற தடை விதிக்கப்படுகிறது.

இவ்வாறு அதில் கூறப்பட்டுள்ளது.